റിയോ ഡി ജനീറോ: ഒളിംപിക്സ് നീന്തലില് ചരിത്രമെഴുതി മൈക്കല് ഫെല്പ്സ്. സ്വര്ണ്ണനേട്ടം 21 ആയി. ഇന്ന് 200 മീറ്റര് ബട്ടര്ഫ്ലൈയിലും 4×200 മീറ്റര് ഫ്രീസ്റ്റൈല് റിലേയിലും ഫെല്പ്സ് സ്വര്ണ്ണം നേടി. റിയോയിലെ മൂന്നാമത്തെ സ്വര്ണ്ണമാണിത്.
നീന്തല്ക്കുളത്തില് തനിക്ക് എതിരാളികളില്ലെന്ന് ഒരിക്കല്കൂടി തെളിയിക്കുകയായിരുന്നു അമേരിക്കയുടെ നീന്തല് ഇതിഹാസം മൈക്കല് ഫെല്പ്സ്. റിയോയില് മൂന്നാമത്തെ സ്വര്ണ്ണം മുങ്ങിയെടുത്തിരിക്കുന്നു. ഒളിംപിക് കരിയറില് ഫെല്പ്സിന്റെ ഇരുപത്തിയൊന്നാം സ്വര്ണ്ണമാണിത്.
ഇന്ന് ആദ്യനേട്ടം 200 മീറ്റര് ബട്ടര്ഫ്ലൈയിലായിരുന്നു. ഒരു മിനിറ്റ് 53.36 സെക്കന്റുകൊണ്ടാണ് ഫെല്പ്സ് ഫിനിഷ് ചെയ്തത്. ഈയിനത്തില് വെള്ളി ജപ്പാന്റെ മസാറ്റ സകായിക്കാണ്. സമയം 1 മിനിറ്റ് 53.4 സെക്കന്റ്. ഹംഗറിയുടെ താരത്തിനാണ് വെങ്കലം.
തൊട്ടുപിന്നാലെയായിരുന്നു 4×200 മീറ്റര് മെഡ്ലെയില് ഫെല്പ്സ് ഉള്പ്പെട്ട അമേരിക്കന് ടീം സ്വന്തമാക്കി. ഏഴു മിനിറ്റ് കൊണ്ടാണ് അമേരിക്കന് ടീം ഫിനിഷ് ചെയ്തത്. ഈയിനത്തില് ബ്രിട്ടന് വെള്ളിയും ജപ്പാന് വെങ്കലവും നേടി. റിയോയില് ഫെല്പ്സിന്റെ മൂന്നാം സ്വര്ണ്ണമാണിത്. നേരത്തെ നേരത്തെ 4 X 100 മീറ്റര് റിലേയിലും ഫെല്പ്സ് ഉള്പ്പെട്ട അമേരിക്കന് ടീം സ്വര്ണ്ണം സ്വന്തമാക്കിയിരുന്നു.
Related posts
-
വനിതാ ക്രിക്കറ്റ് താരങ്ങൾക്കും ഇനി പ്രതിമാസം 15,000 രൂപ പെൻഷൻ; ചരിത്രപരമായ തീരുമാനവുമായി കെഎസ് സിഎ
ബെംഗളൂരു: കർണാടകയിലെ മുൻകാല വനിതാ ക്രിക്കറ്റ് താരങ്ങൾക്ക് തുല്യപരിഗണന ഉറപ്പാക്കിക്കൊണ്ട് കർണാടക... -
ലോകകപ്പിന് പിന്നാലെ റാങ്കിങ്ങിലും ഇന്ത്യൻ വിപ്ലവം; സഞ്ജുവിന്റെ അശ്വമേധം, ഒന്നാം സ്ഥാനത്ത് മാറ്റമില്ല! ടോപ് 10-ൽ നാല് ഇന്ത്യക്കാർ
ദുബായ്: ട്വന്റി20 ലോകകപ്പ് കിരീടനേട്ടത്തിന് പിന്നാലെ ഐസിസി റാങ്കിങ്ങിലും കരുത്തറിയിച്ച് ഇന്ത്യൻ... -
‘തല’ എത്തി സ്റ്റൈൽ ആയി; ഐപിഎൽ ആവേശത്തിലേക്ക് ചെന്നൈ സൂപ്പർ കിങ്സ്, പരിശീലന ക്യാമ്പിന് തുടക്കം; വീഡിയോ കാണാം
ചെന്നൈ: ഇന്ത്യൻ പ്രീമിയർ ലീഗിന്റെ പുതിയ സീസണിന് ആവേശം പകർന്ന് ചെന്നൈ...